बालाघाट तंत्रनिकेतनमध्ये स्वर्गीय अंजलीताई हाके पाटील यांची जयंती साजरी

अहमदपूर (गोविंद काळे) : बालाघाट तंत्रनिकेतन व अभियांत्रिकी महाविद्यालयाच्या तत्कालीन संचालिका स्वर्गीय सौ. अंजलीताई कुलदीप हाके यांची जयंती साजरी करण्यात आली.

या जयंती दिनानिमित्त विविध संकल्प करण्यात आले महाविद्यालयात शुद्ध पाण्यासाठी आर ओ बसवण्यात आला त्याचे अध्यक्ष यांच्या हस्ते उद्घाटन करण्यात आले तसेच या जयंतीदिनानिमित्त प्रत्येक वर्षी प्रति व्यक्ती एक झाड लागवड व संगोपन करण्याचा संकल्प करण्यात आला. तसेच महाविद्यालयातून प्रत्येक शाखेमधून प्रथम येणाऱ्या विद्यार्थ्यास स्व. अंजलीताई हाके यांच्या समरणार्थ सन्मानचिन्ह देऊन गौरविण्यात येणार आहे. या कार्यक्रमाच्या अध्यक्षस्थानी श्री गणेश शिक्षण प्रसारक मंडळाच्या सचिव तथा जिल्हाध्यक्ष भाजपा महिला मोर्चा श्रीमती रेखाताई तरडे मॅडम तसेच भाजपा जिल्हा उपाध्यक्ष मा. सुरेश दादा हाके पाटील, सौ मीनाताई देवकते, संचालक कुलदीप भैय्या हाके शिवालीकाताई हाके, अमरदीप भैया हाके, प्राचार्य डॉ. शिवपुजे सर, श्री. नागरगोजे सर, शृंगारे सर श्री गणेश शिक्षण प्रसारक मंडळ अंतर्गत सर्व कर्मचारी प्राध्यापक उपस्थित होते. या कार्यक्रमाचे प्रास्ताविक प्राचार्य डॉ. शिवपुजे सर यांनी केले सूत्रसंचालन: श्री मासुळे सर संकल्पना वाचन: आरती पुणे मॅडम आभार प्रा. दैठणकर सर यांनी मांडली हा कार्यक्रम यशस्वीतेसाठी सर्व शिक्षक शिक्षकेतर कर्मचारी यांनी परिश्रम घेतले.