आ. बाबासाहेब पाटील यांच्या हस्ते ३३ लक्ष रुपयांच्या विविध विकासकामांचा शुभारंभ !

अहमदपूर (गोविंद काळे) : मौजे गादेवाडी व द्वारकानगर येथील ३३ लक्ष रुपयांच्या विविध विकासकामांचा शुभारंभ सोहळा आमदार बाबासाहेब पाटील यांच्या हस्ते आयोजित करण्यात आला होता. यावेळी उपस्थित राहून या विकासकामांचा शुभारंभ करत आमदार यांनी ग्रामस्थांशी संवाद साधला.

गादेवाडी व द्वारकानगर येथील विकासकामांमध्ये जन सुविधा योजनेअंतर्गत सिमेंट काँक्रीट रस्ता १० लक्ष रुपये, तांडा वस्ती अंतर्गत द्वारकानगर येथे सिमेंट रस्ता ५ लक्ष रुपये, द्वारकानगर ते पाण्याची टाकी व अंतर्गत पाईपलाईन १८ लक्ष रुपये अशा एकूण ३३ लाख रुपयांच्या विकासकामांचा समावेश आहे.

अहमदपूर चाकूर मतदारसंघात होत असलेली विकासकामे व कामांची गती पाहून जनतेकडून समाधानाचे सुर उमटत आहेत. आपल्या माध्यमातून अनेक विविध विकासकामे हाती घेतली जात असून ती पूर्णत्वास नेली जात आहेत. मुख्यत्वे पायाभूत सुविधांवर भर देत मतदारसंघाचा सर्वांगीण विकास साधला जात आहे. विविध समाज विधायक विकासकामांमुळे मतदारसंघातील जनता समाधानी आहे. जनसेवा हेच आद्यकर्तव्य असून यासाठी आपण सदैव कटीबद्ध आहोत, असे मत यावेळी आमदार बाबासाहेब पाटील यांनी व्यक्त केले.

गादेवाडी व द्वारकानगर येथे कार्यक्रमाचे अध्यक्ष माजी पोलीस निरीक्षक श्रीरंग मारोतीराव निमणवाड, गादेवाडी सरपंच दीनानाथ ऐतलवाड, दिगंबर एसमोड, राष्ट्रवादी काँग्रेस तालुकाध्यक्ष शिवाजीराव देशमुख, माजी जिल्हा परिषद सदस्य निवृत्तीराव कांबळे, माजी जिल्हा परिषद सदस्य माधवराव जाधव, चेअरमन दिनानाथ राचमाळे, बोडके बाबुराव, चेअरमन रावसाहेब भोसले, मुकुंदराव पाटील, श्रीकांतजी मजगे, परमेश्वर तिरकमटे, उपअभियंता हत्ते साहेब, अभियंता सगर, गंगाधरराव ताडमे, बाळासाहेब बेडदे, चेअरमन नारायण पवार, उपसरपंच गफुरसाब शेख, तंटामुक्ती अध्यक्ष वामनराव पाटील, संतराम केनलवाड, मष्णाजी एसमोड, वाहेद शेख, माजी सरपंच सिरहोनर निमलवाड, ग्रामपंचायत सदस्य खंडेश्वर राघमोड, गिरीशकुमार यसनाडे, ज्ञानोबा राघमोड, भोलेश्वर निमलवाड, दिगंबर पाटील, विजयकुमार ऐतलवाड, माजी सैनिक अधिकारी पांडुरंग राजमोडे, भगवान बचेवार, सुधीर भोसले, दोडका चेअरमन धनाजी कानवटे, शिवप्रताप बोडके आदी मान्यवर उपस्थित होते.