पालकमंत्री गिरीश महाजन यांचे अहमदपूरात जंगी स्वागत
अहमदपूर (गोविंद काळे) :महाराष्ट्र राज्याचे ग्रामविकास मंत्री तथा लातूर जिल्ह्याचे नुतन पालकमंत्री गिरीशजी महाजन यांचे अहमदपूर मध्ये जंगी स्वागत करण्यात आले. यावेळी भारतीय जनता पार्टीचे प्रदेश उपाध्यक्ष तथा माजी मंत्री विनायकराव पाटील यांच्या पुढाकाराने पालकमंत्री गिरीश महाजन यांचे क्रेन च्या साह्याने मोठा पुष्पहार घालून स्वागत करण्यात आले. सदरील सोहळ्यात भारतीय जनता पक्षाचे प्रदेश उपाध्यक्ष तथा माजी मंत्री विनायकराव पाटील,भाजपाचे प्रदेश प्रवक्ते गणेश दादा हाके, माजी आमदार बब्रुवान खंदाडे,किसान मोर्चाचे प्रदेश सरचिटणीस दिलीपराव देशमुख, राजकुमार मजगे, अँड.भारत चामे,भारतीय जनता पार्टीचे जिल्हा उपाध्यक्ष गोविंदराव गिरी, माजी उपसभापती निळकंठ पाटील, राजकुमार खंदाडे, अँड.अमित रेड्डी, सुधीर गोरटे ,रामभाऊ नरवटे, अँड. किशोर कोरे, अँड. निखिल कासनाळे ,डॉ.सिद्धार्थ कुमार सूर्यवंशी, नाना कदम, भाजपचे तालुकाध्यक्ष हणमंत देवकते, रामभाऊ बेल्लाळे, बालाजी मुंडे,श्रीकांत भुतडा, ज्ञानोबा बडगिरे, चंद्रशेखर डांगे, गणेश हालसे, संतोष कोटलवार आधी सह भारतीय जनता पार्टीचे पदाधिकारी व कार्यकर्ते मोठ्या संख्येने उपस्थित होते. पालकमंत्री झाल्यानंतर पहिल्यांदाच गिरीश महाजन यांचा अहमदपूर दौरा असल्याने अहमदपूर मध्ये मोठ्या उत्साहात ढोल ताशाच्या गजरात फटाक्यांची आतिषबाजी करत रात्री 11 वाजता त्यांचे जंगी स्वागत करण्यात आले. अहमदपूर शहरातील बसवेश्वर चौक येथून पालकमंत्री गिरीश महाजन यांची सजवलेल्या रथातून मिरवणूक कढण्यात आली तद नंतर अहमदपूर शहरातील छत्रपती शिवाजी महाराज यांच्या अश्वारूढ पुतळ्याला पालकमंत्री गिरीश महाजन यांच्या हस्ते पुष्पहार अर्पण करण्यात आला. त्यानंतर भाजपाचे प्रदेश प्रवक्ते गणेश दादा हाके यांच्या निवासस्थानी पालकमंत्री गिरीश महाजन यांनी सदिच्छा भेट दिली. यावेळी विवीध संघटनेचे, पदाधिकाऱ्यांचे निवेदन पालकमंत्री गिरीश महाजन यांनी स्वीकारली.
About The Author
