जळकोट तालुक्यात शिवसेनेची बैठक; विविध पदाधिकाऱ्यांच्या निवडी

उदगीर (एल.पी.उगीले) : जळकोट तालुक्यातील अतनूर येथे नूतन युवासेना लातूर जिल्हा विस्तारक तथा शिवसेना उदगीर विधानसभा संपर्क प्रमुख देवेंद्र कांबळे यांच्या प्रमुख उपस्थिती मध्ये शिवसेनेची बैठक संपन्न झाली. यावेळी नुतन पदाधिकाऱ्यांचा सत्कार सोहळा संपन्न झाला.यावेळी या बैठकी साठी उपस्थित शिवसेना जिल्हाप्रमुख बालाजीभाऊ रेड्डी, युवासेना जिल्हा समन्वयक शैलेश वडगावे, युवासेना उपजिल्हा प्रमुख रमण माने, शिवसेना जळकोट शहर प्रमुख शंकर सोप्पा, शिवसेना जळकोट तालुका संघटक मुक्तेश्वर येवरे-पाटील, उपतालुका प्रमुख विकास सोमुसे-पाटील, चंद्रकांत सांगळे, प्रशांत सोनटक्के, गणेश माने, विकास नंदगावे आदी उपस्थित होते.

यावेळी जळकोट तालुक्यातील काही पदाधिकाऱ्यांच्या नियुक्त्या करण्यात आल्या. त्यामध्ये देविदास घोडके गव्हाणकर यांची शिवसेना विभागप्रमुख पदी निवड झाली, ज्ञानेश्वर मुसळे सोनवळा यांची जळकोट तालुका समन्वयक पदी निवड झाली. बाळू धोंडीपरगे रावणकोळा यांची उपतालुका प्रमुख पदी निवड झाली. आकाश बेळकूंदे चिंचोली यांची अतनूर पंचायत समिती सर्कल प्रमुखपदी, विकास राठोड रामपूर तांडा यांची घोणसी सर्कल प्रमुखपदी, तर गोविंद बारसुळे अतनूरकर यांची विभाग संघटकपदी निवड करण्यात आली. या बैठकीचे आयोजन शिवसेना जळकोट तालुका संघटक मुक्तेश्वर पाटील यांनी केले होते.