यशवंत वसतिगृहात संविधान दिन साजरा

उदगीर (एल.पी.उगीले) : तालुक्यातील एकुर्का रोड येथील यशवंत वसतिगृहात शनिवारी संविधान दिन मोठ्या उत्साहात व आनंदात साजरा करण्यात आला.

अध्यक्षस्थानी ज्येष्ठ प्रा. बी. एस. बाबळसुरे होते. तर प्रमुख पाहूणे म्हणून प्रा. के. डी. मुडपे, रसूल पठाण आदींची प्रमुख उपस्थिती होती. प्रारंभी डॉ. बाबासाहेब आंबेडकर यांच्या प्रतिमेस मान्यवरांच्या हस्ते पुष्पहार अर्पण करून अभिवादन करण्यात आले. यानंतर संविधान पत्रिकेचे वाचन वसतिगृहातील विद्यार्थी शिवशंकर मदने याने केले. तर मनोगत सुजल कंजे याने व्यक्त केले. यावेळी प्रा. के. डी. मुडपे, रसूल पठाण यांनी संविधान दिन महत्व विद्यार्थ्यांना पटवून दिले. अध्यक्षीय समारोप प्रा. बी. एस. बाबळसुरे यांनी केले. सूत्रसंचालन वर्षा कवडगावे यांनी तर आभार अमर जाधव यांनी मानले. कार्यक्रमास वसतिगृहातील विद्यार्थी, पालक व कर्मचारी उपस्थित होते.