भगवान गौरीशंकर मंदिरात महाअभिषेक

माजी आ.शिवाजीराव पाटील कव्हेकरांच्या हस्ते भगवान गौरीशंकर मंदिरात महाअभिषेक

लातूर (प्रतिनिधी) : भगवान गौरीशंकराची महाशिवरात्र या पवित्र दिनाच्या निमित्ताने मार्केट यार्ड,लातूर येथील भगवान गौरीशंकराचा महाअभिषेक मंदिराचे संस्थापक अध्यक्ष मा.आ.शिवाजीराव पाटील कव्हेकर व जि.प.च्या माजी अध्यक्षा सौ.प्रतिभाताई पाटील कव्हेकर यांच्या शुभहस्ते अत्यंत भक्‍तीभावाने करण्यात आला. भगवान गौरीशंकर मंदिर हे लातूर शहर व परिसरातील भाविकांचे श्रध्दास्थान आहे. मंदिरामध्ये भाविकांची मोठी गर्दी असते. कोरोणामुळे या ठिकाणचे प्रवचन, किर्तन कार्यक्रम स्थगीत करून फक्‍त महापुजा व दर्शन ठेवण्यात आल्याची माहिती मंदिर व्यवस्थापन कमिटीचे अध्यक्ष दिनकर पाटील, उपाध्यक्ष सोलापूरे यांनी दिली.

यावेळी दिलीप पाटील, सहसचिव नंदकिशोर सोनी, सदस्य जुगलकिशोर पल्‍लोड, दिनकर पाटील, भगवान गौरीशंकर मंदिर कमिटीचे व्यवस्थापक राजकुमार शेटे आदी मान्यवरांची उपस्थिती होती. तसेच गौरीशंकर मंदिर समितीच्या पदाधिकार्‍यासह भाविकांची उपस्थिती होती.