ट्रॅक्टर व बसचा भीषण अपघात

आठ ते नऊ जण गंभीर जखमी असल्याची प्राथमिक माहिती

लातूर (प्रतिनिधी) : लातूर अंबाजोगाई राष्ट्रीय महामार्ग वर दि. 13 मार्च रोजी रात्री आठ वाजताच्या सुमारास रेणापूर (रेणापूर फाटा) येथे ट्रॅक्टर व बसचा भीषण अपघात झाला असून यात आठ ते नऊ जण गंभीर जखमी झाल्याची माहिती आहे.

अंबाजोगाई येथून लातूरकडे निघालेल्या लातूर विभागाच्या बस गाडी क्रमांक एम एच 20 बी एल 1053 या बसच्या चालकाने रेणापुर पिंपळफाटा जवळ महामार्गवर विटाने भरलेला ट्रॅक्टरला पाठीमागून जोरदार धडक दिल्याने हा भीषण अपघात झाला असल्याची प्राथमिक माहिती आहे. हा अपघात एवढा भीषण होता की जवळपास अर्धी बस पूर्णपणे चिरली असून अनेक प्रवासी बस मध्ये अडकून पडले होते या अपघातात आठ ते नऊ प्रवासी गंभीर जखमी झाले असल्याची माहिती आहे. या सर्व जखमीनां लातूरच्या शासकीय रुग्णालयाकडे उपचारासाठी पाठवण्यात आले असून त्यापैकी तिघांची प्रकृती अतिशय चिंताजनक आहे.