कोनाळे गुरुजी हे साने गुरुजींच्या विचारांचे वारस – विश्वनाथ मुडपे
उदगीर (एल.पी.उगीले) :कोनाळे गुरुजींचे वर्तन व जगणे हाच नव्या पिढीसाठी संदेश आहे,कोनाळे गुरुजी हे ख-या अर्थाने साने गुरुजींच्या विचारांचे वारस आहेत. असे प्रतिपादन राष्ट्रीय पुरस्कारप्राप्त शिक्षक विश्वनाथ मुडपे यांनी केले. साधूराव कोनाळे व सौ.अनुसया कोनाळे यांच्या अमृत महोत्सवी सोहळ्यात ते अध्यक्ष पदावरून बोलत होते. प्रमुख पाहुणे म्हणून प्राचार्य डॉ.बाबूराव लहाने, प्रा.गोविंद जामखंडे,सेवा निवृत्त गट शिक्षण अधिकरीनागोराव भोसले, बालाजी बिरादार, देविदास नादरगे , रामराव कुलकर्णी, धनंजय गडसूरकर, संभाजी कोनाळे, गुंडेराव हेळंबे उपस्थित होते. या प्रसंगी धनंजय बनसोडे, शंकर कापसे, सरपंच चंद्रशेखर गव्हाणे पाटील आदींनी गुरुजींच्या कार्याचा गौरव केला.सूत्रसंचालन वैजनाथ पंचगल्ले यांनी तर आभार श्रीराम कोंनाळे यांनी मानले.सौरभ बनसोडे, केशव साखरे, संजीव माळी, संभाजी शिंदाळकर आदींनी पुढाकार घेतला.
About The Author
