महात्मा फुले महाविद्यालयाच्या मुक्त विद्यापीठातील पत्रकारिता पदवीचा शंभर टक्के निकाल

अहमदपूर ( गोविंद काळे)
येथील महात्मा फुले महाविद्यालयाच्या अभ्यास केंद्राद्वारे घेण्यात आलेल्या
मे २०२३ मध्ये झालेल्या यशवंतराव चव्हाण महाराष्ट्र मुक्त विद्यापीठाच्या उन्हाळी परीक्षेचा निकाल नुकताच जाहीर झाला असून यात पत्रकारिता पदवी अभ्यासक्रमाच्या प्रथम वर्गाचा शंभर टक्के निकाल लागला आहे.
या परीक्षेत महात्मा फुले महाविद्यालयाचे कार्यालयीन प्रमुख प्रशांत डोंगळीकर हे ६६ टक्के गुण मिळवून सर्वप्रथम आले आहेत. किशोर व्यंकटराव डाके हे ६२ टक्के गुण मिळवून द्वितीय आले आहेत, तर राज्यशास्त्र विभाग प्रमुख डॉ. प्रकाश चौकटे ६०.५० टक्के गुण मिळवून तृतीय आले आहेत.
या परीक्षेत यशस्वी झालेल्या सर्व विद्यार्थ्यांचे कौतुक व अभिनंदन किसान शिक्षण प्रसारक मंडळाचे सर्व पदाधिकारी आणि महाविद्यालयाचे प्राचार्य डॉ. वसंत बिरादार पाटील यांच्यासह यशवंतराव चव्हाण महाराष्ट्र मुक्त विद्यापीठाच्या अभ्यास केंद्राचे केंद्र संयोजक डॉ. अनिल मुंढे, केंद्र सहाय्यक डॉ. संतोष पाटील, संमंत्रक डॉ. दुर्गादास चौधरी, डॉ. सतीश ससाणे, डॉ. मारोती कसाब, प्रा. बाळासाहेब कराड यांनी केले आहे.