तालुकास्तरीय मैदानी स्पर्धेत समर्थ विद्यालयाचे यश
उदगीर (प्रतिनिधी) : तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयातील विद्यार्थ्यांनी उदगीर येथील सैनिकी विद्यालयात पार पडलेल्या तालुकास्तरीय मैदानी स्पर्धेत घवघवीत यश मिळवले आहे.
१७ वर्षाच्या खालील गटात १०० मीटर धावणे स्पर्धेत मयुरेश मुसळे प्रथम, २०० मीटर धावणे, स्पर्धेत रेहान जाकिर बागवान प्रथम, ४०० मीटर धावणे स्पर्धेत शिवकांत संतोष कारभारी द्वितीय आला आहे. ४०० मीटर × ४ रिले स्पर्धेत प्रथम शिवकांत कारभारी, मयुरेश मुसळे, इम्रान शेख, अयान पठाण तर १०० × ४ रिले स्पर्धेत द्वितीय शिवकांत कारभारी, इम्रान शेख, अयान पठाण आले आहेत. यशस्वी खेळाडू विद्यार्थी व मार्गदर्शक शिक्षकांचे संस्था सचिव प्रमोद चौधरी, पर्यवेक्षक सिद्धार्थ बोडके, संस्था सदस्य प्रा. एम. व्ही. स्वामी, प्रा. बी. एस. बाबळसुरे, रसूल पठाण, किरण हळीघोंगडे याच्यांसह शिक्षक शिक्षकेतर कर्मचाऱ्यांनी अभिनंदन केले आहे.
About The Author
