स्वामी विवेकानंद विद्यालयाच्या 10 वी एन.टी.एस.सी.ई.परिक्षेतील गुणवंतांचा सत्कार

लातूर (प्रतिनिधी) : शैक्षणिक वर्ष 2020-21 मध्ये घेण्यात आलेल्या इयत्ता 10 वी एन.टी.एस.ई. परिक्षेत यश मिळवलेल्या समर्थ कुलकर्णी व प्रतिक नागमोडे या गुणवंत विद्यार्थ्यांचा सत्कार भाजपाचे युवा नेते तथा जेएसपीएम संस्थेचे उपाध्यक्ष अजितसिंह पाटील कव्हेकर यांच्याहस्ते करण्यात आला. शैक्षणिक वर्ष 2020-21 मध्ये घेण्यात आलेल्या 10 वी एन.टी.एस.ई. परिक्षेत समर्थ कुलकर्णी या विद्यार्थ्यांने 132 गुण घेवून तर प्रतिक नागमोड याने 88 गुण घेवून घवघवीत यश संपादन केले आहे. याच्या यशाबद्दल जेएसपीएम संस्थेचे उपाध्यक्ष अजितसिंह पाटील कव्हेकर यांच्याहस्ते त्यांचा सत्कार करण्यात आला. यावेळी जेएसपीएम संस्थेचे समन्वयक बापूसाहेब गोरे,प्राचार्य गोविंद शिंदे, प्राचार्य साखरे सर, प्राचार्य सच्चिदानंद जोशी, प्राचार्य मनोज गायकवाड, मु.अ.संजय बिराजदार आदी उपस्थित होते. त्यांच्या यशाबद्दल संस्थेचे संस्थापक अध्यक्ष तथा माजी आ.शिवाजीराव पाटील कव्हेकर, संस्थेच्या सचिव तथा माजी जि.प.अध्यक्षा सौ.प्रतिभाताई पाटील कव्हेकर, संस्थेचे उपाध्यक्ष अजितसिंह पाटील कव्हेकर, संस्थेचे कार्यकारी संचालक रंजितसिंह पाटील कव्हेकर, प्रशासकीय समन्वयक निळकंठराव पवार, शैक्षणिक समन्वयक संभाजीराव पाटील, समन्वयक विनोद जाधव, इस्टेट प्रमुख चंद्रशेखर पाटील आदींनी त्यांचे अभिनंदन केले.