माऊली शिक्षण प्रसारक मंडळमध्ये वार्षिक स्नेहसंमेलन उत्साहात

लातूर : माऊली शिक्षण प्रसारक मंडळ, लातूर द्वारा संचालित माऊली विद्यानिकेतन व शिशु विहार चे वार्षिक स्नेहसंमेलन अतिशय उत्साहात संपन्न झाले.
या स्नेहसंमेलनाचे उद्घाटन लातूर चे चार्टंड अकाउंटंट मा.श्री दिलीप रांदड यांच्या शुभहस्ते करण्यात आले. यावेळी मराठवाड्याचे लाडके शिक्षक आ.मा.श्री विक्रमजी काळे साहेबांनी स्नेहसंमेलनाला विशेष अतिथी म्हणून आवर्जून भेट दिली. स्नेहसंमेलनात प्रमुख पाहुणे म्हणून श्री विजयजी स्वामी, माजी मंडळ सदस्य तानाजी पाटील, रितेश राजे ,श्री तानाजी मुडे , तसेच संस्था सचिव श्री गंगाधर आरडले , कोषाध्यक्ष श्री तानाजी पाटील ,प्राचार्या प्राचार्या सौ.कविता आरडले ,उपप्राचार्या भाग्यश्री काळे मुख्याध्यापक श्री प्रकाश तूगावे उपस्थित होते.या स्नेहसंमेलनात भारतातील विविध उत्कृष्ट लोक नृत्याचे सादरीकरण विद्यार्थ्यांनी कले.मराठी रिमिक्स, बांबु नृत्य , लंबाडी नृत्य , अशा उत्कृष्ट नृत्यांनी उपस्थितांची मने जिंकली. कार्यक्रमाचे प्रास्ताविक संस्था सचिव श्री गंगाधर आरडले सर यांनी केले. तर सूत्रसंचालन किरण आरडले (गुडे ) ,विरांगना चामे , तनुजा गंभीरे यांनी केले व आभार श्री आयुब मुल्ला यांनी मानले.या कार्यक्रमाच्या यशस्वीतेसाठी गौरव आरडले ,व्यवस्थापक श्री गोपाळ करडिले , सर्व शिक्षक वृंद, कॅप्टन्स (स्कूल बस चालक )कर्मचार्‍यांनी परिश्रम घेतले. या कार्यक्रमात पालक बंधु भगिनींनी हजारोंच्या संख्येने उपस्थिती लावली.