काळेगाव बुद्ध विहार येथे बुद्ध मूर्तीचा अनावरण सोहळा संपन्न

अहमदपूर (गोविंद काळे) : तालुक्यातील काळेगाव येथील तक्षशिला बुद्ध विहारात थायलंड येथील पूज्य भिकू खेमसिंग थेरो यांनी दान स्वरूपात दिलेली दहा फूट उंचीची आकर्षक बुद्ध मूर्ती बसवण्यात आली असून या बुद्धमूर्तीचा अनावरण सोहळा नुकताच भिख्खू संघ व भारतीय बौद्ध महासभेचे राष्ट्रीय कार्याध्यक्ष डॉ. भीमराव यशवंतराव आंबेडकर यांच्या प्रमुख उपस्थितीत संपन्न झाला.

सर्वप्रथम सकाळी पंचशील ध्वजाचे ध्वजारोहण करुन, भिख्खू संघास व उपस्थित बौद्ध उपासक, उपासिका यांना भोजनदान देण्यात आले. तद्नंतर उपस्थित उपासक, उपासिका यांना भिख्खू संघाकडून धम्मदेशना देण्यात आली. या कार्यक्रमास महाराष्ट्र
राज्याचे क्रीडा व युवक कल्याण मंत्री संजय बनसोडे – यांची प्रमुख उपस्थिती होती. प्रमूख पाहूणे म्हणून – आ. बाबासाहेब पाटील, माजी आमदार बब्रुवान खंदाडे, प्रदेश प्रवक्ते गणेश हाके, जिल्हाध्यक्ष दिलीपराव देशमुख, इंजि. विश्वजीत अनिलकुमार गायकवाड, व्हीएस पँथरचे संस्थापक अध्यक्ष विनोद खटके आदीची प्रमुख उपस्थिती होती. याप्रसंगी मान्यवरांची मनोगत संपन्न झाले. प्रास्ताविका डॉ. सिध्दार्थकुमार सूर्यवंशी यांनी केले. आभार तक्षशिला बुद्ध विहाराचे भिख्खू महाविरो थेरो यांनी मानले. – या सोहळ्यास लातूर जिल्ह्यासह बीड, परभणी, नांदेड आदी जिल्ह्यातील उपासक व उपासिका – मोठ्या संख्येने उपस्थित होते.