महात्मा फुले महाविद्यालयात राजर्षी छत्रपती शाहू महाराज जयंती साजरी

अहमदपूर (गोविंद काळे) : सामाजिक न्यायाचे प्रणेते आणि आरक्षणाचे जनक राजर्षी छत्रपती शाहू महाराज यांची जयंती येथील महात्मा फुले महाविद्यालयात उत्साहात साजरी करण्यात आली. याबाबतचे सविस्तर वृत्त असे की, राष्ट्रीय सेवा योजना व सांस्कृतिक विभागाच्या वतीने आयोजित राजर्षी शाहू महाराज जयंती कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते. त्यांच्या हस्ते शाहू महाराजांच्या प्रतिमेचे पूजन करण्यात आले. यावेळी इतिहास विभाग प्रमुख डॉ. बब्रुवान मोरे यांनी राजर्षी शाहू महाराजांच्या जीवन कार्यावर प्रकाश टाकला. तर कार्यक्रमाचा अध्यक्षीय समारोप प्राचार्य डॉ. वसंत बिरादार पाटील यांनी केला. या कार्यक्रमाचे सूत्रसंचालन समाजशास्त्र विभाग प्रमुख डॉ. सतीश ससाणे यांनी केले, तर आभार प्रदर्शन क्रीडा विभाग प्रमुख डॉ. अभिजित मोरे यांनी केले. या कार्यक्रमास कोविड-१९ चे नियम पाळून महाविद्यालयातील प्राध्यापक व कर्मचारी उपस्थित होते.