गुणवंत विद्यार्थ्यांचा सत्कार व वह्या वाटप

डोंगरशेळकी (प्रतिनीधी) : येथील समर्थ धोंडूतात्या माध्यमिक विद्यालय येथे इयत्ता दहावी परीक्षेत उत्तीर्ण झालेल्या विद्यार्थ्यांचा सत्कार तसेच कृषी उत्पन्न बाजार समितीचे सभापती सिद्धेश्वर पाटील यांच्या वाढदिवसानिमित्त विद्यार्थ्यांना वह्या वाटप करण्यात आल्या. दहावी परीक्षेत प्रथम आलेली श्रावणी सुवर्णकार, द्वितीय आलेली प्रज्ञा गजभारे तर तृतीय आलेली पूजा मुंढे या विद्यार्थ्यांचा शाल आणि पुष्पहार देऊन सत्कार करण्यात आला. कार्यक्रमाच्या अध्यक्षस्थानी सरपंच नागरबाई कांबळे तर प्रमुख पाहुणे म्हणून पंचायत समितीचे उपसभापती बाळासाहेब मरलापल्ले, माजी सरपंच तथा संस्थेचे सचिव व्यंकटराव मरलापल्ले, सोसायटीचे संचालक संग्राम मरलापल्ले, नरसन मरेवाड, अजय कुलकर्णी, मुख्याध्यापक व्यंकट बेंबडे यांच्यासह सर्व शिक्षकवृंद आणि शिक्षकेतर कर्मचारी उपस्थित होते.