श्री संत सदगुरू बाळु मामा मुर्ती स्थापना कार्यक्रम भक्ती भावात साजरा

अहमदपूर (गोविंद काळे) : तालुक्यातील रूध्दा येथे श्री संत सदगुरू बाळूमामा मूर्ती स्थापना कार्यक्रम दि 08 ऑगस्ट वार रविवार रोजी मोठ्या उत्साहात भक्तीमय वातावरणात साजरा करण्यात आला. ह.भ.प. विजयानंद महाराज सुप्पेकर महाराज यांचे दणदणीत कीर्तन सोहळा संपन्न झाला. यावेळी अहमदपूर-चाकूर मतदार संघाचे आमदार बाबासाहेब पाटील साहेब माजी राज्यमंत्री विनायकराव पाटील, पंचायत समिती अहमदपूर च्या माजी सभापती आयोध्याताई केंद्रे खंडाळी गटाचे जिल्हा परिषद सदस्य माधवराव जाधव अखिल भारतीय वंजारी युवा संघटन संस्थापक अध्यक्ष धनराज गुट्टे, कुलदीपभैया हाके पाटील ज्ञानदीप अकॅडमीचे संचालक उद्धवजी इप्पर व इतर मान्यवर उपस्थित होते. यावेळी आमदार बाबासाहेब पाटील यांनी गावातील भाविक भक्तांना मार्गदर्शन करताना म्हणाले की गावाजवळून वाहणाऱ्या मन्याड नदीवर पुलकम बंधारा लवकरच उभा करणार असुन श्री संत बाळूमामा मंदिरसाठी सभागृह व पाण्याची सोय करून देण्यात येईल असे अश्वासन दिले. भाविक भक्तांच्या व मान्यवरांच्या गावातील सर्व ग्रामस्थांच्या उपस्थित हा सोहळा संपन्न झाला.