क्राईस्ट इंटरनॅशनल स्कूलमध्ये स्वतंत्रता दिन मोठ्या उत्साहात साजरा

अहमदपूर (गोविंद काळे) : तळेगाव येथील क्राईस्ट इंटरनॅशनल स्कूल अँड ज्युनियर कॉलेजमध्ये स्वतंत्रता दिन मोठ्या उत्साहाने साजरा करण्यात आला. ध्वजारोहन प्रमुख अतिथी पोलीस उपअधीक्षक माननीय श्री. बलराज लंजिले यांच्या हस्ते करण्यात आला. शाळेच्या संचालिका रितू जीवनकुमार मद्देवाड, प्राचार्य महेंद्र पांडे तसेच सर्व शिक्षक, शिक्षिका, विद्यार्थी, कर्मचारी उपस्थित होते. कार्यक्रमामध्ये प्रमुख अतिथी श्री.लंजिले साहेबांनी विद्यार्थ्यांना मार्गदर्शन केले. शाळेतील विद्यार्थ्यांनी देशभक्तीपर गीत गायन, सामूहिक नृत्य, भाषणे, परेड केली. ऑनलाइन नृत्य स्पर्धांची बक्षिसेही देऊन विद्यार्थ्यांना प्रोत्साहन देण्यात आले. शाळेचे क्रीडा शिक्षक इस्माईल शेख यांनी 20 झाडे जगविण्याचा आज संकल्प केला त्यामुळे त्यांचा विशेष सत्कार करण्यात आला. कार्यक्रमाच्या यशस्वीतेसाठी सुपरवायझर सुधारानी के, गोविंद वलसे, कोऑर्डिनेटर टिजो जॉन्सन, संगमेश्वर ढगे, शीला क्लॅन्सी, संदीप दुबे तसेच सर्व शिक्षक, कर्मचारी यांनी अथक मेहनत घेतली होती. कार्यक्रमाचे सूत्रसंचालन शाळेच्या विद्यार्थिनी कु. समीक्षा कोंडापुरे व कु. दृष्टी माने यांनी तर आभार प्रदर्शन टिजो जॉन्सन यांनी केले. संपूर्ण कार्यक्रम सामाजिक अंतर ठेवून पार पडला.