उदयगिरी महाविद्यालयात जागतिक पर्यावरण दिनानिमित्त वृक्षारोपण

उदगीर (एल पी उगीले) जागतिक पर्यावरण दिनानिमित्त महाराष्ट्र उदयगिरी महाविद्यालयात महाराष्ट्र एज्युकेशन सोसायटीचे कोषाध्यक्ष महादेव नौबदे, सदस्य शिवराज वल्लापूरे, प्राचार्य डॉ. आर. के. मस्के, उपप्राचार्य डॉ. एस. एन. हल्लाळे, पर्यावरणशास्त्र विभाग प्रमुख डॉ. जे. एम. पटवारी, डॉ. आर. बी. अलापूरे, पर्यावरण शास्त्र विभागाच्या सहाय्यक संशोधक रोशनी उगीले तसेच शिक्षक व शिक्षकेतर कर्मचारी यांच्या उपस्थितीत पर्यावरण संरक्षण, जैवविविधतेचे संवर्धन आणि भविष्यातील पिढ्यांसाठी हरित पर्यावरण निर्माण करण्याच्या उद्देशाने विविध प्रकारच्या वृक्षांची लागवड करून पर्यावरण संवर्धनाचा संदेश देण्यात आला. यावेळी वृक्षांचे महत्त्व, वाढते प्रदूषण, हवामान बदल आणि पर्यावरण संरक्षणासाठी प्रत्येकाने किमान एक तरी वृक्ष लावून त्याचे संगोपन करण्याची गरज व्यक्त करण्यात आली. तसेच प्लास्टिकमुक्त परिसर, जलसंवर्धन आणि स्वच्छता याबाबत जनजागृती करण्यात आली.