महेश अर्बन बँकेचे प्र.व्यवस्थापक बी के क्षिरसागर यांचा सेवानिवृत्ती सत्कार

अहमदपूर (गोविंद काळे) : महेश अर्बन बँकेचे.व्यवस्थापक बी.के. क्षिरसागर यांचा प्रदीर्घ सेवेनंतर २६ वर्ष पूर्ण करून सेवानिवृत्तीबद्दल त्यांचा महेश अर्बन बँकेच्या वतीने छत्रपती शिवाजी महाराज यांची प्रतिमा, भर आहेर देवून सपत्नीक सत्कार करण्यात आला. व तसेच यावेळी महेश अर्बन बँकेचे नुतन प्र. व्यवस्थापक प्रशांत मांडवकर यांचा सत्कार करून स्वागत करण्यात आले. यावेळी सौ.रेखाताई क्षिरसागर, इंजि.कु.योगिता क्षिरसागर, महेश अर्बन बँकेचे शाखाधिकारी अविनाश देशमुख , शाखाधिकारी विनोद चिलकेवार , लोहा शाखेचे मॅनेजर सुरेश शेळके, उदगीर शाखेचे शाखाधिकारी प्रदीप उगीले साहेब, अॅड. सादीक शेख सर, हंगरगे मॅडम, यांच्यासह अधिकारी, कर्मचारी व पिग्मी एजंट यांची उपस्थिती होती. तसेच यावेळी पिग्मी एजंट यांच्याकडून क्षिरसागर व मांडवकर यांचा सत्कार करण्यात आला. सत्काराला उत्तर देताना बी.के.क्षिरसागर यांनी आपल्या भावना व्यक्त केल्या. यावेळी अॅड. महेश पाटील, मॅनेजर विनोद चिलेकेवार , मॅनेजर प्रदीप उगीले यांनीही आपले मनोगत व्यक्त केले.