आयुष्य मान योगा ग्रुप अहमदपूर चे एस.आर.टी. अल्ट्रा मॅरेथॉन सिंहगड पुणे स्पर्धेत उज्वल यश

अहमदपूर (गोविंद काळे) : आयुष्य मान योगा ग्रुप अहमदपूर चे एस.आर.टी. अल्ट्रा मॅरेथॉन पुणे 2021 स्पर्धेत उज्वल यश संपादन करुन अहमदपूर ची पताका अटकेपार नेली. 11 की मी मध्ये श्रीराम फाजगे , तुकाराम उगीले ,सतीष बैकरे ,यांनी मेडल प्राप्त केले.तसेच 25 की.मी. धनंजय तोकले , हनुमंत सुडे ,लुल्ला शेख, नामदेव बरुरे, लक्ष्मण बॅगलवार, मदन नरवाडे, प्रदीप फुलसे, माधव नाईनवाड, वेदांत राठोड, एकनाथ कौशे ,अरविंद मरेवाड, वानखेडे ,पल्लवी वलसे, यांनी 25 की.मी. दिलेल्या वेळेच्या आत पुर्ण करुन मेडलचे माणकरी ठरले.तसेच 53 की.मी.मध्ये. दिपक वलसे यांनी सुध्दा मेडल प्राप्त करुन अहमदपूर चे नाव रोशन करुन सर्वं तरुण बांधवांना एक चांगला संदेश दिला.धावपळीच्या युगात आरोग्याच्या अनेक समस्या सतावत आहेत. प्रतेकाने आपले आरोग्य अबाधित राखण्यासाठी स्वतःला वेळ दिला पाहिजे.यासाठी महात्मा गांधी महाविद्यालयाच्या मैदानावर दररोज आयुष्य मान योगा ग्रुप ने चांगले वातावरण अहमदपूर मध्ये निर्माण केले आहे.तसेच यावर्षी दिपक वलसे सरांच्या मार्गदर्शनाखाली 18 जनानी सहभागी होउन मेडल प्राप्त करुन अहमदपूर ची विजयाची पताका सिंहगडावर फडकावली.