अतिरिक्त पोलीस अधीक्षकांची बैलगाडी सफर

मोटेगाव येथे वेळा अमावस्या उत्साहात साजरी

रेणापूर (प्रतिनिधी) : तालुक्यातील मोटेगाव येथे वेळा अमावस्या उत्साहात साजरी करण्यात आली. अतिरिक्त पोलिस अधीक्षक निकेतन कदम यांनी शिवसेना उपजिल्हाप्रमुख सचिन दाने यांच्या शेतात पांडवांचे पूजन करून बैलगाडीतून सफरही केली. वेळाअमावस्ये निमित्त शिवार गजबजलेला असतो. काळ्याआईची ओटी भरण्यासाठी शेतकरी जय्यत तयारी करतो.वेळाअमावस्ये साठी खास मेनू असतो. शिवसेना उपजिल्हाप्रमुख सचिन दाने यांनी अतिरिक्त पोलीस अधीक्षक निकेतन कदम यांना वेळा अमावस्येसाठी निमंत्रित केले होते. कदम यांनीही उपस्थित राहत दाने यांच्या शेतात पांडवांचे पूजन केले.रेणापुरचे पोलीस निरीक्षक सिरसाठ यांचीही यावेळी उपस्थिती होती. यावेळी उपस्थित मान्यवरांनी दाने परिवारासोबत आंबील -भजीचा आस्वाद घेतला.पै. प्रमोद दाने यांच्या हस्ते निकेतन कदम यांचा यावेळी सत्कारही करण्यात आला. रणझुंजार प्रतिष्ठानचे अध्यक्ष तथा प्रगतीशील शेतकरी, शिवसेना उपजिल्हाप्रमुख सचिन दाने यांनी स्व.स्वप्नील कोलते लिखित मुकद्दर हे पुस्तक त्यांना भेट दिले. यावेळी हन्मंतदादा पाटील, गोविंदबापू सोमवंशी, गोपाळकाका पवार, विकास पवार,मल्लिकार्जुनअप्पा हलकंचे,पांडुरंग मुसळे, मुबिन सय्यद, भगवान शिंदे,भरत मोटे,बंटी मोटे,बाळासाहेब सरवदे, मेघराज सोळुंके, चैतन्य होळकर,गणेश चेपट, शुभम लोखंडे, पत्रकार कोंडीराम काळे यांच्यासह मोटेगाव येथील ग्रामस्थ मोठ्या संख्येने उपस्थित होते.