महात्मा फुले महाविद्यालयात महात्मा गांधींना अभिवादन

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने प्राचार्य डॉ. वसंत बिरादार पाटील यांच्या मार्गदर्शनाखाली राष्ट्रपिता महात्मा गांधी यांची पुण्यतिथी हुतात्मा दिन म्हणून साजरी करण्यात आली. याबाबतचे सविस्तर वृत्त असे की, या कार्यक्रमाच्या अध्यक्षस्थानी ह.भ.प. प्रो. डॉ. अनिल मुंढे हे होते तर इतिहास विभागप्रमुख डॉ.बब्रुवान मोरे यांची प्रमुख उपस्थिती होती. यावेळी हुतात्मा दिनानिमित्त दोन मिनटे स्तब्ध राहून शहीदांना श्रध्दांजली अर्पण करण्यात आली तसेच डॉ.बब्रुवान मोरे यांनी महात्मा गांधी यांच्या जीवन व कार्यावर प्रकाश टाकला तर अध्यक्षीय समारोप प्रो. डॉ. अनिल मुंढे यांनी केला. या कार्यक्रमाचे प्रास्ताविक प्रो. डॉ. नागराज मुळे यांनी केले तर सूत्रसंचलन डॉ. संतोष पाटील यांनी व आभार डॉ. सतिश ससाणे यांनी मानले. यावेळी कोविड-१९ च्या नियमांचे पालन करून महाविद्यालयातील प्राध्यापक , कार्यालयीन कर्मचारी उपस्थित होते.