महात्मा फुले महाविद्यालयात छत्रपती संभाजी महाराजांना अभिवादन

अहमदपूर (गोविंद काळे) : संस्कृत पंडित, बहुभाषक महान विद्वान, ‘ बुद्ध भूषणम् ‘ या ग्रंथाचे कर्ते, महापराक्रमी स्वराज्य संवर्धक छत्रपती संभाजी महाराजांना बलिदान दिनानिमित्त येथील महात्मा फुले महाविद्यालयात विनम्र अभिवादन करण्यात आले. याबाबतचे सविस्तर वृत्त असे की, राष्ट्रीय सेवा योजना व सांस्कृतिक विभागाच्या वतीने आयोजित करण्यात आलेल्या या कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते. त्यांच्या हस्ते छत्रपती संभाजी महाराजांच्या प्रतिमेला पुष्प अर्पण करण्यात आले. यावेळी अध्यक्षीय समारोपाप्रसंगी प्राचार्य डॉ. वसंत बिरादार पाटील यांनी छत्रपती संभाजी महाराज यांच्या ऐतिहासिक कार्यावर प्रकाश टाकला.
या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ. बब्रुवान मोरे यांनी केले तर आभार प्रदर्शन राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी केले. यावेळी महाविद्यालयाचे उपप्राचार्य डॉ. डी.डी. चौधरी, प्रो.डॉ. अनिल मुंढे, प्रो.डॉ. नागराज मुळे, प्रो. डॉ. अभिजीत मोरे, डॉ. मारोती कसाब, डॉ.सतीश ससाणे, डॉ. संतोष पाटील, ग्रंथपाल प्रा. परमेश्वर इंगळे, कार्यालयीन अधीक्षक प्रशांत डोंगळीकर यांच्यासह सर्व प्राध्यापक , कार्यालयीन कर्मचारी व विद्यार्थी उपस्थित होते.