रोटरी क्लब अहमदपूर तर्फे गरजू भाजीपाला विक्रेत्यांना मोठया छत्र्या चे वाटप

अहमदपूर (गोविंद काळे) : रोटरी क्लब अहमदपुर तर्फे वाढत्या उन्हाचा पारा लक्षात घेता अहमदपूर शहरातील गरजू भाजीपाला विक्रेत्यांना उन्हापासून संरक्षण मिळावे यासाठी छत्र्याचे वाटप करण्यात आले. अहमदपूर शहरातील महिला व पुरुष विक्रेत्यांना २५ छत्र्या चे निशुल्क वाटप यावेळी करण्यात आले.
क्लबचे अध्यक्ष सचिन करकनाळे व सचिव राहुल घाटोळ यांच्या पुढाकाराने या कार्यक्रमाचे आयोजन करण्यात आले. डॉक्टर पांडुरंग कदम व डॉक्टर निलेश मजगे यांच्या हस्ते छत्री वाटप करण्यात आले. यावेळी प्रा रविकांत पुणे, कपिल बिरादार, राहुल घाटोळ धनंजय कोत्तावार, अनिल चवळे, श्रीराम कलमे, अध्यक्ष सचिन करकनाळे यांच्यासह भाजीपाला विक्रेते व नागरिक उपस्थित होते.