संतोष गुट्टे राज्यस्तरीय बॉक्सिंग स्पर्धेत तृतीय

प्राचार्य डॉ शिवाजी गायकवाड यांच्या हस्ते सत्कार

लातूर (प्रतिनिधी) : लातूर येथील जिल्हा क्रीडा संकुल येथे दि.१८ एप्रिल रोजी ७९ व्या महाराष्ट्र राज्य बॉक्सिंग चॅम्पियन स्पर्धा घेण्यात आली यात दयानंद कला महाविद्यालयातील इयत्ता बारावीतील विद्यार्थी गुट्टे संतोष नामदेव या विद्यार्थ्याने ५७ ते ६० वजनी गटात ब्राँझ मेडल (तिसरे पदक) पटकावले. या यशाबद्दल दयानंद कला महाविद्यालयाचे प्राचार्य डॉ शिवाजी गायकवाड यांनी गुट्टे संतोष नामदेव यांचे कौतुक केले.

गुट्टे संतोष नामदेव हा ग्रामीण व सीमावर्ती भागातील मुळ उंबरदरा ता.जळकोट जि.लातूर येथील विद्यार्थ्यी असून शेतकरी कुटुंबातून हे यश संपादन केले आहे.या यशाबद्दल सर्वत्र कौतुक होत आहे. या यशाबद्दल दयानंद कला महाविद्यालयाच्या वतीने सत्कार करण्यात आला. या यशाबद्दल दयानंद शिक्षण संस्थेचे अध्यक्ष लक्ष्मीरमणजी लाहोटी, उपाध्यक्ष आरविंद सोनवणे, उपाध्यक्ष रमेशकुमार राठी, उपाध्यक्ष तथा शालेय समिती अध्यक्ष ललितभाई शहा, सचिव रमेशजी बियाणी, संयुक्त सचिव सुरेशजी जैन यांनी कौतुक करून शुभेच्या दिल्या. याप्रसंगी कनिष्ठ महाविद्यालयाचे उपप्राचार्य अनिलकुमार माळी, पर्यवेक्षक डॉ दिलीप नागरगोजे, आर्ट ऑफ लिव्हिंगचे मकरंद जाधव, सागर मंत्री, डॉ. गोपाल बाहेती, डॉ. संदिपान जगदाळे आदी मान्यवर उपस्थित होते.