महात्मा फुले महाविद्यालयात राजर्षी शाहू महाराजांना अभिवादन

अहमदपूर (गोविंद काळे) : आरक्षणाचे जनक लोकराजा, राजर्षी छत्रपती शाहू महाराज यांच्या स्मृती शताब्दी वर्षानिमित्त त्यांना येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने विनम्र अभिवादन करण्यात आले. या कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते. तर प्रमुख पाहुणे म्हणून उपप्राचार्य डॉ. डी. डी. चौधरी हे उपस्थित होते. प्राचार्य डॉ. वसंत बिरादार पाटील यांच्या हस्ते राजर्षी शाहू महाराजांच्या प्रतिमेचे पूजन करून अभिवादन करण्यात आले. या कार्यक्रमाचे प्रास्ताविक व सूत्रसंचालन सांस्कृतिक विभागप्रमुख डॉ. बब्रुवान मोरे यांनी केले, तर आभार प्रदर्शन डॉ.मारोती कसाब यांनी केले.यावेळी महाविद्यालयातील सर्व प्राध्यापक व कर्मचारी, विद्यार्थी उपस्थित होते.