टिळक यांची पुण्यतिथीव अण्णाभाऊ साठे यांची जयंती श्यामलाल हायस्कूलमध्ये साजरी

उदगीर : येथील श्यामलाल मेमोरियल हायस्कूल मध्ये लोकमान्य बाळ गंगाधर टिळक यांच्या पुण्यतिथी निमित्त शाळेचे मुख्याध्यापक आनंद चोबळे यांनी पुष्पहार अर्पण करून अभिवादन केले तसेच लोकशाहीर अण्णाभाऊ साठे यांच्या जयंतीनिमित्त प्रभारी पर्यवेक्षक राहुल लिमये यांनी पुष्पहार अर्पण करून अभिवादन केले.तसेच संजय देबडवार, प्रवीण भोळे, जाधव धनश्री, उमाकांत सूर्यवंशी, सईद शेख यांनी दोन्ही महापुरुषांना पुष्प अर्पण करून अभिवादन केले.
बिरादार हर्ष, बिलाल शेख, वाडीवाले लीना, जाधव समीक्षा, बिराजदार राधिका, देवणे श्रुती, चंदे वैष्णवी, म्हेत्रे दिपाली या विद्यार्थ्यांनी लोकमान्य टिळक व लोकशाहीर अण्णाभाऊ साठे यांच्या जीवन कार्याविषयी सविस्तर माहिती आपल्या भाषणातून दिली.
अध्यक्षीय समारोपात मुख्याध्यापक आनंद चोबळे यांनी थोर महापुरुषांच्या गुणांचा आदर्श डोळ्यासमोर ठेवून विद्यार्थ्यांनी मार्गक्रमण करावे, शिस्त, संस्कार, सामाजिक बांधिलकी, कर्तव्य यांचे भान विद्यार्थी जीवनात असावे असे मनोगत व्यक्त केले व लोकमान्य बाळ गंगाधर टिळक आणि लोकशाहीर अण्णाभाऊ साठे यांच्या कर्तृत्वामुळे भारतीय इतिहासामध्ये ते अजरामर झाले आहेत त्यांच्या कार्याचा आदर्श डोळ्यासमोर ठेवून आपणही समाजोपयोगी कार्य करावे असे आवाहन सर्वांना केले.
कार्यक्रमाचे सूत्रसंचालन नामदेव हाके यांनी केले तर आभार व्यक्त करण्याचे कार्य उमाकांत सूर्यवंशी यांनी केले. कार्यक्रम यशस्वीरित्या संपन्न झाला.