आ. बाबासाहेब पाटील यांच्या हस्ते विविध विकास कामाचे उद्धाटन

अहमदपूर (गोविंद काळे) : शहरात 59 लाख रुपयांच्या विविध विकास कामाचे उद्घाटन बुधवारी ( ता.3) आमदार बाबासाहेब पाटील यांच्या हस्ते करण्यात आले. शहरात वैशिष्ठ्य पुर्ण योजना अंतर्गत प्रभाग क्रमांक आकरा मधील मिरकले नगर ते डाॅ.टोप्पे यांचे घर सिमेंट काॅक्रेट रस्ता 30 लाख तसेच प्रभाग क्रमांक नऊ मधे वैशिष्ट्य पुर्ण योजना अंतर्गत मार्केट नवनिर्माण सोसायटी मधील खुल्या जागेचे शुशोभिकरण , सहारा हाॅस्पीटल ते सोसायटीचे खुले मैदान काॅक्रेट रस्ता व दलीतवस्ती सुधार योजना अंतर्गत रस्ता विद्युत सुशोभिकरण 29 लाख असे एकूण 59 लाख रूपयांच्या विकास कामांचे उद्घाटन करण्यात आले.या वेळी आमदार पाटील म्हणाले की शहरात व्यापक कामं केली आहेत.शहराच्या विकासासाठी भरपूर निधी आणला असून पुढील काळात आणखी विकास कामे करणार आहे.शहरातील काॅक्रेट रस्त्याचे जाळे निर्माण केले आहे. उर्वरित रस्त्याच्या मजबूतीकरणासाठी प्रयत्नशील राहणार आहे.कंत्राटदारांनी कामात दर्जा ठेवावा अशी सुचनाही आमदार पाटील यांनी केली.

यावेळी कृषी उत्पन्न बाजार समिती चे शिवानंद हेंगणे, मिनाक्षी शिंगडे, डी.के.जाधव, बाळासाहेब पाटील अंबेगावकर, वसंतराव शेटकर, पांडुरंग मिरकले, कमलाकर नळेगावकर, प्रशांत भोसले, इमरोज पटवेगर, अभय मिरकले, ॲड.अलिम सय्यद, सय्यद लाल सय्यद सरवर, डाॅ.गजानन माने, जावेद शेख, सुनिल डावरे, अफ्रोज शेख, आशिष तोगरे, शाहुताई कांबळे, फेरोज शेख, विकास राठोड यांची उपस्थिती होते.