भाकसखेडा येथे विलासराव देशमुख स्मृतीदिन साजरा

भाकसखेडा : स्व.विलासरावजी देशमुख यांच्या 10 व्या स्मृतिदिनानिमित्त भाकसखेडा, ता.उदगीर येथे अभिवादन कार्यक्रमाचे आयोजन करण्यात आले होते.यावेळी उदगीर तालुक्याचे तहसीलदार रामेश्वरजी गोरे व गटविकास अधिकारी महेशजी सुळे यांच्या हस्ते अभिजित दुग्ध व्य. सह. सोसायटी व विविध कार्यकारी सेवा सोसायटी यांच्या मार्फत काढण्यात आलेल्या नवीन शिधापत्रिकांचे वाटप करण्यात आले, व प्राथमिक उपकेंद्र करडखेल येथील कर्मचाऱ्यांकडून गावात सकाळपासून चालू असलेल्या लसीकरण शिबिराला भेट देण्यात आली.
त्यानंतर ग्रामपंचायत कार्यालय भाकसखेडा यांच्याकडून गावातील माजी सैनिक श्री.तानाजी खेडकर यांचा स्वातंत्र्याच्या अमृतमहोत्सवी वर्षानिमित्त मान्यवरांच्या हस्ते सत्कार करण्यात आला. माजी सरपंच श्रीहरी जाधव यांच्या हस्ते जिल्हा नियोजन समितीचे सदस्य श्री.कल्याण पाटील यांच्या पाठपुराव्याने गावात नव्याने मंजूर झालेल्या रस्त्याचे भूमिपूजन करण्यात आले. जिल्हा परिषद शाळा येथे वृक्षारोपण करून विकासरत्न विलासरावजी देशमुख यांच्या प्रतिमेस पुष्प अर्पण करण्यात आले.
यावेळी स्व.विलासरावजींना अभिवादन करण्यासाठी उदगीर तालुक्याचे तहसीलदार रामेश्वर गोरे, गटविकास अधिकारी महेश सुळे,मंडळ अधिकारी पंडित जाधव, तलाठी अंकुश वडगावे, ग्रामसेवक नरेंद्र पांचाळ,सरपंच सौ.अर्चना खेडकर, उपसरपंच रविंद मोरे, माजी सरपंच श्रीहरी जाधव, तुकाराम कांबळे, भास्कर जाधव, लिंबाजी खेडकर, रामभाऊ पाटील, सोसायटीचे संचालक विजयकुमार बुर्ले, धनाजी मोरे, माधवराव टेकपुंजे, ग्रा.पं. सदस्य अमर देवक्तते, दत्ता जाधव, माधव जाधव, एकनाथ जाधव, रामभाऊ जाधव, प्रशांत देवक्तते, गोपाळ जाधव, गोविंद जाधव, श्याम जाधव, संजय तोबरे, प्रभास जाधव, परमेश्वर मोरे, हणमंत माणकेश्वरे, भवान कांबळे, राम कांबळे, राज कांबळे, केशव भुगे, तुकाराम मोरे, दयानंद मोरे, नृसिंह जाधव, सुनील बिरादार दूध सोसायटीचे चेअरमन सुनील जाधव व वि.का. सेवा सोसायटीचे चेअरमन विवेक जाधव गावीतल युवक, महिला व नागरिक उपस्थित होते.