हर घर तिरंगा पोस्ते पोदार लर्न स्कूलची भव्य दिव्य जनजागृती रॅली

उदगीर (प्रतिनिधी) : स्वातंत्र्याच्या अमृतमोहत्सवी वर्षानिमित्त आणि हर घर तिरंगा या अभियानाची जनजागृती करण्यासाठी येथील नामवंत सीबीएसई स्कूल पोस्ते पोदार लर्न स्कूल ने भव्य अशा रॅलीचे आयोजन केले होते.

रॅलीची सुरुवात डॉ. बाबासाहेब आंबेडकर चौक येथून झाली. या प्रसंगी उदगीर चे तहसीलदार रामेश्वर गोरे, सहाय्यक पोलीस इन्सपेक्टर गायकवाड, संस्था अध्यक्षा सौ. प्रियांका पोस्ते, सचिव सूरज पोस्ते, प्राचार्य सुर्यकांत चवळे, मार्गदर्शक धर्मपाल देवशेटे,वरिष्ठ समन्वयक मुबारक मुल्ला, मंजुषा पाटिल, जशन डोळे ई मान्यवरांची उपस्थिती होती.

डॉ. आंबेडकर चौक येथून सुरुवात होऊन पुढे शिवाजी चौक, आणि शाहू चौक इथपर्यंत जाऊन या रॅलीची सांगता झाली. प्रत्येक ठिकाणी थांबून मुलांनी महामानवाना मानवंदना दिली.
५०० मुलांचा सहभाग या रॅलीत होता. प्रत्येकानी आपल्या हातात भारताचा राष्ट्रध्वज धरला होता. आणि हर घर तिरंगा, भारत माता की जय, अशा घोषणा देत विद्यार्थ्यांनी परिसर दुमदुमुन टाकला.