ज्ञानसागर वाचनालयात ध्वजारोहण

उदगीर (वार्ताहर ) : स्वातंत्र्याच्या अमृतमहोत्सवानिमित्त चांदेगाव येथील ज्ञानसागर सार्वजनिक वाचनालयात प्रसिद्ध साहित्यिक व महाराष्ट्र राज्य साहित्य आणि संस्कृती मंडळाचे सदस्य धनंजय गुडसूरकर यांच्या हस्ते ध्वजारोहण करण्यात आले.
स्वातंत्र्याच्या अमृतमहोत्सवी वर्षात साहित्यिकाच्या हस्ते ध्वजारोहण होणे ही बाब वाचनालयासाठी गौरवास्पद
असल्याचे वाचनालयाचे सहसचिव चंद्रकांत शिरसे यांनी सांगितले . चेअरमन बाबूराव मुसने,सरपंच सुधाकर मुसने, उपसरपंच सोपान देवनाळे, ग्रंथपाल कालिदास शिरसे,शाळा व्यवस्थापन समितीचे अध्यक्ष बाबूराव वाघमारे,उपाध्यक्ष लक्ष्मण म्हेत्रे,तंटामुक्तीचे अध्यक्ष त्र्यंबक स्वामी,मु.अ.एस.वाय.मोघेकर,निळकंठ पाटील,विजय गुरखेल,रुपा बासरकर ,श्रीमती मिरकले आदी उपस्थित होते. चांदेगाव येथील जि.प.शाळेत वि.का.से.सोसायटीचे चेअरमन धोंडीराम मुसने यांच्या हस्ते तर ग्रामपंचायत कार्यालयात उपसरपंच सोपान देवनाळे यांच्या हस्ते ध्वजारोहण झाले.