तिरंगा रॅलीसाठी उपस्थित मान्यवरांचा सम्राट मित्र मंडळातर्फे सत्कार

अहमदपूर (एल. पी. उगिले) : भारतीय स्वातंत्र्याच्या अमृत महोत्सवाचे औचित्य साधून अहमदपूर येथील आणि लातूर येथील सम्राट मित्र मंडळाच्या वतीने आयोजित केलेल्या एक हजार फूट लांबीच्या तिरंगा प्रतिकृतीच्या तिरंगा रॅलीच्या उद्घाटन सोहळ्यासाठी उपस्थित असलेल्या ज्येष्ठ नेत्यांचा सत्कार संयोजन समितीच्या वतीने करण्यात आला. या रॅलीचे उद्घाटन भारतीय जनता पक्षाचे ज्येष्ठ नेते तथा किसान मोर्चाचे प्रदेश सरचिटणीस दिलीपरावजी देशमुख मालक, जिल्हा परिषदेचे माजी सदस्य अशोकरावजी केंद्रे, माजी मंत्री विनायकरावजी पाटील, माजी आमदार बब्रुवांची खंदाडे, आयपीएस अधिकारी अनिकेतजी कदम, संस्थेचे अध्यक्ष एड. किशनरावजी बेंडकुळे, सरचिटणीस एड. पी डी कदम, संचालक शेळके, प्राचार्य डॉ. अनिता शिंदे, उप प्राचार्य बाभुळगावकर, सुधीरभाऊ गोरठे, मुख्याध्यापक मदने, अमित भैय्या रेड्डी, लक्ष्मणराव अलगुले यांच्यासह विविध महाविद्यालयाचे प्राध्यापक, विद्यालयाचे शिक्षक, विद्यार्थी, शैक्षणिक संस्थांचे पदाधिकारी ,जाणकार नागरिक इत्यादी मान्यवरांची याप्रसंगी उपस्थिती होती.
या सर्व प्रमुख मान्यवरांचे स्वागत संयोजन समितीच्या वतीने डॉ. सिद्धार्थकुमार सूर्यवंशी यांनी केले. त्यांना मित्र मंडळाच्या सर्व पदाधिकाऱ्यांनी उत्स्फूर्तपणे सहकार्य केले.