गुगदळ सरपंच पदी सौ.पारूबाई सुरनर तर उपसरपंच पदी सौ.शामा कदम यांची बिनविरोध निवड

अहमदपुर ( गोविंद काळे ) : तालुक्यातील गुगदळ येथील ग्रामपंचायतीच्या सरपंचपदी सौ.पारूबाई रामकिशन सुरनर तर उपसरपंच पदी सौ.शामा संजय कदम यांची बिनविरोध निवड झाली आहे.

याविषयी सविस्तर माहीती अशी की अहमदपूर तालुक्यातील गुगदळ येथील सात सदस्य संख्या असलेल्या ग्रामपंचायतीत सर्वांगीण विकास पँनलला पाच जागेवर विजय मिळाला होता. दरम्यान आज बुधवार दि. १० फेब्रुवारी सकाळी १० वाजता निवडणुक निर्णय अधिकारी के.बी.खडबडे साहेब यांच्या अध्यक्षतेखाली झालेल्या बैठकीत सरपंच, उपसरपंच पदासाठी एक-एकच अर्ज आल्याने सरपंच पदी सौ.पारूबाई रामकिशन सुरनर तर उपसरपंच पदी सौ.शामा संजय कदम यांची निवड बिनविरोध झाल्याचे निवडणुक निर्णय अधिकारी के.बी.खडबडे यांनी दुपारी ०२:०० वाजता सांगीतले.

यावेळी ग्रामसेवक राठोड साहेब अहमदपूर पोलीस स्टेशनचे पोलिस बडे , माने पोलीस पाटीलअमोल वाघमारे आदी उपस्थित होते.
सरपंच, उपसरपंच निवडीनंतर फटाके फोडुन नुतन सरपंच सौ.पारूबाई रामकिशन सुरनर उपसरपंच सौ.शामा संजय कदम ग्रामपंचायत सदस्य न्यानेश्वर आमुगे कौशल्याबाई कांबळे , बालाजी मस्के आदी पदाधिकारी यांच्यासह भारतीय सैन्य दलातील सैनिक(आर्मी) न्यानोबा मद्देवाड यांचा देखील सत्कार करण्यात आला. यावेळी गावातील ग्रामस्थ मोठ्या संख्येने उपस्थित होते.