रासपचे जिल्हा उपाध्यक्ष गायकवाड भाजप मध्ये दाखल

उदगीर ( प्रतिनिधी ): राष्ट्रीय समाज पक्षाचे जिल्हा उपाध्यक्ष उद्धवजी गायकवाड आणि त्यांचे सहकारी मित्र परिवार यांनी भारतीय जनता पक्षाचे ज्येष्ठ नेते माजी आमदार सुधाकर भालेराव यांच्या नेतृत्वावर विश्वास ठेवून भारतीय जनता पार्टीत प्रवेश केला आहे. याप्रसंगी भारतीय जनता पक्षाचे शहराध्यक्ष मनोज दादा पुदाले, नूतन जळकोट तालुका अध्यक्ष राजेंद्र केंद्रे, संघटन मंत्री नवज्योत शिंदे, माजी नगरसेवक आनंद बुंदे ,रामेश्वर पवार ,लाखन कांबळे, शंकर रोडगे, बालाजी गोटमुकले ,माधव टेपाले इत्यादी प्रमुख कार्यकर्ते उपस्थित होते.

महाराष्ट्रात झालेल्या सत्ता परिवर्तनामुळे भारतीय जनता पक्षाकडे युवकांचा ओढा वाढलेला आहे. विकासाची क्षमता फक्त भारतीय जनता पक्षाकडे आहे. यामुळेच युवक मोठ्या प्रमाणात भाजपमध्ये प्रवेश करत आहेत. असे विचार माजी आमदार सुधाकर भालेराव यांनी व्यक्त केले.