सम्राट चंद्रगुप्त मौर्य इंटरनॅश्नल स्कूलचा विज्ञान प्रदर्शनात प्रथम क्रमांक

अहमदपूर (गोविंद काळे) : तालुक्यातील सम्राट चंद्रगुप्त मौर्य इंटरनॅशनल स्कूल च्या विद्यार्थ्यांनी ४९ वे बीटस्तरीय विज्ञान प्रदर्शन जि.प. शाळा रुई या ठिकाणी भरवण्यात आले होते. या प्रदर्शनात विविध शाळांनी सहभाग घेतला होता. या विज्ञान प्रदर्शनात सम्राट चंद्रगुप्त मौर्य इंटरनॅश्नल स्कूलच्या विद्यार्थांनी स्मार्ट ट्रान्स्पोर्टेशन बाय युजिंग सोलार एनर्जी हा प्रोजेक्ट सादर केला होता. श्री. प्रा. संभाजी सांगळे व श्री. प्रा. ऋत्विक पोले यांच्या मार्गदर्शनाखाली कू.यशश्री वारलवार, कू. माहीन सय्यद, कू. गोविंद नरवटे व कू. शिवराज शिंदे या विद्यार्थांनी वरील प्रोजेक्ट सादर केला व प्रथम क्रमांक पटकावला.
या घवघवीत यशस्वितेसाठी संस्थेचे अध्यक्ष श्री. गणेशदादा हाके पाटील, संस्थेच्या सचिव श्रीमती रेखाताई तरडे, संचालक श्री. कुलदीप हाके पाटील, संचालिका सौ. शिवालिका हाके पाटील, प्राचार्य, उपप्राचार्य व सर्व शिक्षकवृंद यांनी विद्यार्थ्यांचे अभिनंदन केले.