भगवाधारी गणेश मंडळाच्या वतीने रक्तदान शिबिर संपन्न
लातूर (प्रतिनिधी) : लातूर तालुक्यातील चिंचोली बल्लाळनाथ येथील भगवाधारी गणेश मंडळाच्या वतीने रक्तदान शिबिराचे आयोजन करण्यात आले होते. सकाळी श्री गणेशाची आरती रक्तदान हेच जीवनदान चे संस्थापक अध्यक्ष बालाजी जाधव व तंटामुक्ती अध्यक्ष राजकुमार सुरवसे यांच्या हस्ते करून रक्तदान शिबीराची सुरवात करण्यात आली. या रक्तदान शिबिरामध्ये 31 रक्तदात्यांनी रक्तदान केले. त्याचबरोबर मंडळातील पदाधिकारी यांनी दर सहा महिन्यांतुन एकदा रक्तदान करण्याचा संकल्प केला. मंडळाच्या वतीने दररोज विविध सामाजिक कार्यक्रम राबविण्यात आले. मंडळाच्या पदाधिकाऱ्यांनी विविध सामाजिक उपक्रम राबविल्याबद्दल त्यांचा गावकऱ्यांच्या वतीने सत्कार करण्यात आला.
यावेळी रक्तदान हेच जीवनदान चे संस्थापक अध्यक्ष बालाजी भैय्या जाधव, उपसरपंच विश्वास कावळे, तंटामुक्ती अध्यक्ष राजकुमार सुरवसे, संतोष कणसे, कैलास पाटील, अरुण भैय्या नांदे, स्वप्नील कासगुडे, ऋषीकेश कस्पटे, सिध्देश्वर दुटाळ, ओम कुमठेकर, विष्णु कापसे, दत्ता कणसे, खंडु कणसे, संतोष लोकरे, भैरवनाथ घनगावकर, नारायण नवले, शिवा दयाळ, गोविंद बंडे, मुक्तार शेख, राहुल कावळे, लातुर ब्लड बँकचे सर्व कर्मचारी व ग्रामस्थ मोठ्या संख्येने उपस्थित होते.
About The Author
