शिवछत्रपती युवक गणेश मंडळांकडून विविध प्रकारचे उपक्रम घेण्यात आले

उदगीर (एल.पी.उगीले) : या वर्षी शिवछत्रपती युवक गणेश मंडळ छत्रपती शिवाजी महाराज चौक, उदगीर तर्फे सामाजिक उपक्रमांतून सर्वसामान्यांना अधिकाधिक लाभ व्हावा, या उद्देशाने यंदा उपक्रमांवर भर दिला होता. तिरुपती लाडू चा आस्वाद असलेले 11000 लाडू वाटप करण्यात आले

मंडळाच्या वतीने या वर्षी तरुणांनी पुढाकार घेऊन विविध लोकोपयोगी पोवाड्याचा कार्यक्रम राबविण्यात आले. स्वातंत्र्याचा अमृत महोत्सव निमित्ताने विद्यार्थ्यांना चालना देण्यासाठी भाषण स्पर्धा गितगायन स्पर्धा वेशभूषा स्पर्धेचे आयोजन करण्यात आले होते त्यामध्ये 300 च्या वर विद्यार्थी व 20 च्या वर शाळेंनी सहभाग नोंदवला होता. पर्यावरण संरक्षण साठी विविध ठिकाणी मंडळाच्या वतीने 251 वृक्षारोपण करण्यात आले
नागरिकांनि मतदान कार्ड ला आधार लिंक करून घ्यावी याचे प्रबोधन करण्यात आले, सरकारी दवाखान्याच्या माध्यमातून मोफत कोरोना चा बूस्टर डोस देण्याची सुविधा भाविकांना उपलब्ध करून दिली होती, तर मंडळाच्या माध्यमातून राज्य सरकारने राबवलेल्या विविध आरोग्य योजनांची माहिती देण्यासह नेत्रदानाचे महत्त्व पटवून देण्याचा उपक्रम राबवण्यात आला. डेंग्यू, मलेरिया, स्वाइन फ्लूसारख्या आजारांचा जोर वाढता असल्याने साथीच्या आजारांना अटकाव घालायचा असेल तर काय करायला हवे याची माहिती गणेश मंडळांच्या माध्यमातून दिली गेली. विसर्जनाच्या दिवशी मिरवणुकीत झाडे लावा झाडे जगवा,बेटी बचाव बेटी पढाव, स्वछ उदगीर सुंदर उदगीर, शेतकरी जगला पाहिजे असे संदेश देण्यात आले. ध्वनी प्रदूषण टाळण्यासाठी डी जे न लावता संत ज्ञानेश्वर माऊली शाळेच्या साहाय्याने लेझिम पथक व ढोल पथक ठेऊन एक वेगळा आदर्श गणेश मंडळासमोर ठेवण्यात आला. हानिकारक गुलाल उधळण टाळून गुलाल मुक्त पुष्पवृष्टी करून अतिशय आनंद उत्सवात बाप्पाना शिवछत्रपती गणेश मंडळातर्फे निरोप देण्यात आला.