बालाघाट एज्युकेशन कॅम्पस च्या वतीने मराठवाडा मुक्ती संग्राम दिन उत्साहात साजरा

अहमदपूर (गोविंद काळे) : बालाघाट तंत्रनिकेतन तथा औद्योगिक प्रशिक्षण संस्था व सम्राट चंद्रगुप्त मौर्य इंटरनॅशनल स्कूल, रुद्धा तालुका अहमदपूर येथे मराठवाडा मुक्ती संग्राम दिनानिमित्त संस्थेच्या सचिव प्राचार्य रेखाताई तरडे यांच्या हस्ते ध्वजारोहणाचा मुख्य कार्यक्रम पार पडला.यावेळी शुभेच्छा देताना श्रीमती तरडे यांनी मराठवाडा मुक्ती संग्राम दिनाच्या सर्व प्राध्यापक व इतर कर्मचारी यांना शुभेच्छा दिल्या.औद्योगिक प्रशिक्षण संस्थेचा दीक्षांत समारंभ संपन्नबालाघाट औद्योगिक प्रशिक्षण संस्थेतील नुकत्याच जाहीर झालेल्या निकालामध्ये विद्यार्थ्यांनी घवघवीत यश संपादन केले आहे त्यानिमित्ताने दीक्षांत समारंभाचे आयोजन करण्यात आले होते या कार्यक्रमासाठी अध्यक्ष म्हणून संस्थेचे संचालक कुलदीप हाके संचालिका शिवालिका हाके यांची प्रमुख उपस्थिती होती व्यासपीठावर प्राचार्य मदत तंत्रनिकेतनचे प्राचार्य स्वप्निल नागरगोजे स्कूलच्या प्राचार्य रूत चक्रनारायण निदेशक कागणे सर सर्व विभागाचे विभाग प्रमुख उपस्थित राहून सर्व विद्यार्थ्यास पदवी प्रदान करण्यात आली.यावेळी आपले मनोगत व्यक्त करताना कुलदीप हाके यांनी सर्व विद्यार्थ्यांना पुढील वाटचालीसाठी भरभरून शुभेच्छा दिल्या व येणाऱ्या काळामध्ये कोणत्याही अडचणीसाठी महाविद्यालयाचे दरवाजे सर्व विद्यार्थ्यांसाठी खुले असतील त्यांनी निसंकोच पणे भेट द्यावी त्यांच्या सर्व अडचणी सोडवण्यात येतील असे मत कुलदीप हाके यांनी मांडले.या यशाबद्दल श्री गणेश शिक्षण मंडळाचे अध्यक्ष गणेश हाके सचिव प्राचार्य रेखाताई हाके, संचालक कुलदीप हाके संचालिका शिवालीकाताई हाके यांनी सर्व उत्तीर्ण विद्यार्थ्यांचे अभिनंदन व कौतुक केले. यावेळी सर्व प्राध्यापक शिक्षक वृंद व इतर कर्मचारी उपस्थित होते.