महाराष्ट्र उदयगिरी महाविद्यालयाला बॅडमिंटन स्पर्धेत दुहेरी यश
उदगीर (एल.पी.उगीले) : स्वामी रामानंद तीर्थ मराठवाडा विद्यापीठ, नांदेड अंतर्गत स्वामी विवेकानंद महाविद्यालय, शिरूर ताजबंद येथे आंतर महाविद्यालयीन ब- विभाग बॅडमिंटन (पुरुष व महिला) स्पर्धा दिनांक 27 सप्टेंबर 2022 रोजी संपन्न झाल्या. या स्पर्धेत महाराष्ट्र उदयगिरी महाविद्यालयाच्या महिला खेळाडूने सक्रिय खेळ दाखवीत उपविजेतेपद (द्वितीय क्रमांक) पटकाविला आहे. संघामध्ये दिपाली हवन्ना, शिवानी भाईकट्टे, साक्षी सोळुंके, मयुरी भुसारे, स्वाती पिटले या महिला खेळाडूंचा समावेश होता. याच स्पर्धेत पुरुष संघाने तृतीय क्रमांक पटकावला आहे. संघामध्ये रुपेश तुकडे, अंकित जाधव, श्रीनेवार गजानन, अभिषेक उगिले, विशाल जाधव या खेळाडूंचे समावेश होता. खेळाडूंना क्रीडा संचालक प्रा. सतीष मुंढे, प्रा. रोहन येनाडले यांनी मार्गदर्शन केले. त्याबद्दल सर्व विजेत्या खेळाडूंचे अभिनंदन संस्थेचे अध्यक्ष मल्लिकार्जुन मानकरी, उपाध्यक्ष डॉ. रेखा रेड्डी व अॅड.प्रकाश तोंडारे, सचिव रामचंद्र तिरुके, सहसचिव डॉ.रामप्रसाद लखोटिया व अॅड.एस.टी.पाटील, कोषाध्यक्ष भालचंद्र चाकूरकर, प्रभारी प्राचार्य डॉ. बी.एम. संदीकर, उपप्राचार्य डॉ.आर.के.मस्के यांनी अभिनंदन केले.
About The Author
