दोन वर्षात दिपालीताई औटे यांनी उल्लेखनीय कार्य करून कार्य अहवाल सादर केला त्याबद्दल त्यांचे अभिनंदन करण्यात आले

उदगीर (एल.पी.उगीले) : उदगीर येथील राष्ट्रवादी काँग्रेसच्या महिला आघाडीच्या तडफदार अध्यक्षा सौ दिपालीताई औटे यांनी आपल्या दोन वर्षाच्या कारकिर्दीत पक्ष संघटन बांधणीसाठी उल्लेखनीय कामगिरी करून तसा कार्य अहवाल पक्षश्रेष्ठीकडे सादर केला आहे त्याबद्दल महाराष्ट्र राज्याचे माजी गृह राज्यमंत्री तथा उदगीर विधान सभा मतदार संघाचे लोकप्रिय आमदार संजयजी बनसोडे राष्ट्रवादी काँग्रेस पार्टीचे उदगीर तालुकाध्यक्ष तथा उदगीर पंचायत समितीचे माजी सभापती प्रा. डॉ.शिवाजीराव मुळे , राष्ट्रवादी काँग्रेस पार्टीचे उदगीर विधानसभा अध्यक्ष प्रा. प्रवीणजी भोळे , राष्ट्रवादी काँग्रेसचे शहराध्यक्ष समीरजी शेख व शहर कार्याध्यक्ष गजाननजी सताळकर यांनी राष्ट्रवादी काँग्रेस पार्टी सांस्कृतिक विभागाचे उदगीर शहराध्यक्ष अभिजीत औटे यांच्या सुविद्य पत्नी अॅड. सौ. दीपालीताई अभिजीत औटे यांची राष्ट्रवादी महिला काँग्रेसच्या उदगीर शहराध्यक्षपदी निवड केली. शहराध्यक्षा अँड दीपालीताई औटे यांनी आपली निवड सार्थ ठरवत दोन वर्षाची वाटचाल अत्यंत यशस्वीपणे पार पाडली . त्यांच्या दोन वर्षाच्या यशस्वी वाटचालीबद्दल सर्व मान्यवरांनी त्यांच्या कार्याचे कौतुक करून, भावी आयुष्यासाठी शुभेच्छा दिल्या.