इनरव्हील क्लब उदगीर द्वारा मोफत शालेय साहित्य वाटप

उदगीर (एल.पी.उगीले) : उदगीर इनरव्हील क्लबच्या वतीने आंबेडकर प्राथमिक विद्यालय फुले नगर उदगीर येथे प्राथमिक शाळेतील विद्यार्थ्यांना मोफत स्कूल बॅगचे वाटप करण्यात आले. या प्रोजेक्ट साठी प्रमुख होत्या वाणीश्री कोंडावार, आपल्या देशाचे भवितव्य असणारी ही नवीन पिढी म्हणजे ही चिमुकली मुले. यांनी ज्ञानानी समृद्ध व्हावे. भरपूर शिक्षण घ्यावे. यासाठी त्यांना हवी असेल ती मदत करण्यास इनरव्हील क्लब सदैव तत्पर आहे, असे मत इनरव्हील क्लबच्या अध्यक्षा सौ. मीरा चंबुले यांनी व्यक्त केले.

भविष्यात विद्यार्थ्यांच्या सर्वांगीण विकासासाठी असे अनेक उपक्रम हाती घेतले जातील, अशी माहिती दिली. कार्यक्रमासाठी इनरव्हील क्लबच्या अध्यक्षा सौ. मीरा चंबुले, सचिव सौ. शिल्पा बंडे, कोषाध्यक्ष सौ. मानसी चन्नावार, एडिटर सौ. पल्लवी मुक्कावार, आय एस ओ सौ. स्नेहलता चणगे तसेच सदस्य सौ. पल्लवी कुलकर्णी, सौ. प्रिया नरखेडे आणि आंबेडकर विद्यालयाचे मुख्याध्यापक एस.जी बनसोडे, सहशिक्षक गोडबोले ए.एल. ,आचमाले, सहशिक्षिका श्रीमती मुंडे के.बी श्रीमती मोरलवार ए.डी यांची उपस्थिती होती.