खाजगी प्राथमिक मुख्याध्यापक संघ पदाधिकाऱ्यांचा सत्कार संपन्न

उदगीर (एल.पी. उगिले) : तालुक्यातील मराठी, उर्दू, इंग्रजी माध्यमाच्या खाजगी प्राथमिक शाळांच्या वतीने खाजगी प्राथमिक मुख्याध्यापक संघ पदाधिकाऱ्यांचा सत्कार येथील ब्राईट स्टार पब्लीक स्कूलमध्ये संपन्न झाला. या कार्यक्रमाच्या अध्यक्षस्थानी मुख्याध्यापक शेख हिसामोद्दीन हे होते, तर प्रमुख मार्गदर्शक म्हणून सेवानिवृत्त मुख्याध्यापक वै. ना. बिरादार हे उपस्थित होते.
याप्रसंगी प्रमुख पाहुणे म्हणून सेवानिवृत्त मुख्याध्यापक जी. एम. कांबळे, ब्राईट स्टार पब्लीक स्कूलचे प्राचार्य व्ही.एस.घाळे यांची उपस्थिती होती.
प्रारंभी उपस्थीत मान्यवरांच्या हस्ते क्रांतीज्योती सावित्रीबाई फुले यांचे प्रतिमेचे पूजन करण्यात आले. त्यानंतर कार्यक्रमाचे प्रास्ताविक रामकृष्ण इंटरनॅशनल स्कूलचे प्राचार्य श्रीपाद सिमंतकर यांनी केले.
त्यानंतर सत्कारमूर्ती खाजगी मुख्याध्यापक संघाचे प्रांताध्यक्ष अंकुशे एस.जे. , प्रांत उपाध्यक्ष दाडगे डी. बी., प्रांत सचिव हाशमी एस.एम., प्रांत सहसचिव भोसले एस.व्ही., प्रांत संघटक जीवणे एस.के., प्रांत सदस्य शेख एस.एम., सदस्य तोडकर एम.के., राज्य महिला सदस्या सौ.बिरादार पी.टी., प्रांत सदस्य नळगीरकर ए.एन. आदी पदाधिकाऱ्यांचा मान्यवरांच्या हस्ते सत्कार करण्यात आला.
त्यानंतर कार्यक्रमासाठी उपस्थित मान्यवर सेवानिवृत्त मुख्याध्यापक वै. ना.बिरादार, मुख्याध्यापक शेख हिसामोद्दीन, सेवानिवृत्त मुख्याध्यापक जी. एम. कांबळे, मुख्याध्यापक व्ही.एस.घाळे यांचे संघटना बांधली याबद्दल सविस्तर मार्गदर्शन झाले. तर सत्कार मूर्ती अंकुशे एस.जे.,दाडगे डी. बी., भोसले एस.व्ही. यांनी आपले मनोगत व्यक्त करताना संघटनेशी बांधील राहून भविष्यात या संघटनेचे कार्य वाढविण्याचा मानस व्यक्त केला. कार्यक्रमाचे संचलन प्रा.राजकुमार हाळीकर यांनी केले, तर शेख साबेर यांनी उपस्थितांचे आभार मानले.