सातत्यपूर्ण प्रयत्न आपल्याला यशापर्यंत नेतात प्रा. शाम डावळे

उदगीर (एल.पी.उगीले) : हाती घेतलेले काम सातत्याने केले पाहिजे, सकारात्मक दृष्टिकोन ठेवून आत्मविश्वासपूर्वक केलेले काम आपल्याला यश मिळवून देते, असे प्रतिपादन उदयगिरी अकॅडमीत बोलताना प्रा. शाम डावळे यांनी व्यक्त केले. मराठी या विषयात पीएचडी पदवी संपादन केल्याबद्दल उदयगिरी अकॅडमीचे संचालक गोपाळकृष्ण घोडके यांच्या हस्ते प्रा. शाम डावळे यांचा सत्कार करण्यात आला.

यावेळी सामाजिक कार्यकर्ते अनिल भारती हे देखील उपस्थित होते. यावेळी बोलताना प्रा. डावळे म्हणाले की, आपण कष्ट करायला अजिबात कमी नाही पडले पाहिजे. केवळ डॉक्टर , इंजिनियर होतो. एवढीच मनीषा विद्यार्थ्यांनी बाळगू नये. तर मी चांगला पुढारी होतो. निरपेक्षपणे समाजाची सेवा करतो, असाही विचार विद्यार्थ्यांनी केला पाहिजे.

आपल्या आजूबाजूला काय घडतय याच्याबद्दल आपण सदैव जागरूक असले पाहिजे.असेही सांगितले. या कार्यक्रमास उदयगिरी अकॅडमीचे विद्यार्थी सर्व प्राध्यापक उपस्थित होते. आभार आणि सूत्रसंचालन प्रा. गोपाळकृष्ण घोडके यांनी केले.