लोहारा जवळ भीषण अपघात, पाच ठार एक गंभीर जखमी

उदगीर (प्रतिनिधी) : उदगीर तालुक्यातील लोहारा उतारावर उदगीर- चाकूर जाणाऱ्या बसचा आणि तुळजापूरहून देवी दर्शनाहून परतणाऱ्या कारचा भीषण अपघात झाला. या अपघातात पाच जणांचा दुर्दैवी मृत्यू झाला, तर एक जण गंभीर जखमी झाला आहे. जखमींना तात्काळ पोलीस प्रशासनाने रुग्णालयात पाठवल्याचे समजते. उदगीर उपविभागाचे पोलीस अधिकारी डॅनियल जॉन बेन, उदगीर ग्रामीण पोलीस स्टेशनचे जेष्ठ पोलीस निरीक्षक दीपक कुमार वाघमारे आणि त्यांचे सहकारी माहिती समजतात घटनास्थळावर रवाना होऊन मदत कार्य युद्धपातळीवर सुरू केले. मात्र अपघात इतका भयानक होता की, या अपघातात पाच जणांचा जागीच मृत्यू झाला. मयता मध्ये आलोक तानाजी खेडकर, राहणार संत कबीर नगर उदगीर, अमोल जीवनराव देवकते राहणार रावणकोळा, कोमल व्यंकट कोद्रे राहणार दोरणात तालुका मुखेड, यशोमती जयवंत देशमुख राहणार यवतमाळ, नागेश ज्ञानेश्वर गुंडेवार राहणार बिदर रोड उदगीर हे असून प्रियांका गजानन बनसोडे राहणारे येरोळ हाल मुक्काम गोपाळ नगर उदगीर या जखमी आहेत. या अपघाताच्या संदर्भात अधिक तपास उदगीर ग्रामीण पोलीस करत आहेत.