वृद्धाश्रमात वृद्ध आजींना बनवण्यात आली चैतन्य देवीची प्रतिकृती

अहमदपूर (गोविंद काळे) : शहराजवळील सुखमणि वृद्धाश्रमात काही आजींना नवरात्र उत्सवानिमित्त चैतन्य देवींची प्रतिकृती बनवण्यात आली आहे.या कार्यक्रमात वृद्धाश्रमातील दोन आजींना हुबेहूब देवींसारखे अलंकार,वस्त्र व वेशभूषा करून प्रतिकृती बनवण्यात आली होती. या कार्यक्रमामुळे वृद्धाश्रमातील वृद्धांमध्ये नवचैतन्य व आनंदाचे वातावरण निर्माण झाले,आजकाल नवरात्र उत्सवामध्ये ठिकठिकाणी देवी मातेच्या मूर्तींची प्रतिष्ठापना करून उपासना करण्यात येते, परंतु वृद्धाश्रमातील उपेक्षित वृद्ध आजींना देवीची प्रतिकृती बनवून नवीनता निर्माण करण्यात आली आहे. सदर झांकीसाठी सौ. रेखा पांचाळ, सौ. अनुसया पांचाळ, श्रीमती रंजना आंधळे, श्री.सुनील गुरमे,श्री.सुनिल माने यांचे मोलाचे सहकार्य लाभले.तरी सर्वांचे सुखमणि वृद्धाश्रम परिवाराकडून आभार व्यक्त करण्यात आले.