महात्मा फुले महाविद्यालयात विविध अभ्यास मंडळ व स्पर्धा परीक्षा केंद्राचे आज उद्घाटन

अहमदपूर (गोविंद काळे) : येथील महात्मा फुले महाविद्यालयात स्पर्धा परीक्षा केंद्र व सामाजिक शास्त्र विभागाच्या विविध अभ्यास मंडळांचा उद्घाटन सोहळा मंगळवार दि. १८ ऑक्टोबर २०२२ रोजी सकाळी अकरा वाजता संपन्न होत आहे.

या प्रसंगी सुप्रसिद्ध लेखक समीक्षक तथा महाविद्यालयाचे प्राचार्य डॉ.वसंत बिरादार पाटील यांच्या अध्यक्षतेखाली महाविद्यालयाच्या सभागृहात होणाऱ्या या कार्यक्रमाचे उद्घाटन नवी दिल्ली येथील ज्येष्ठ सामाजिक अभ्यासक डॉ. क्रांती भारती यांच्या हस्ते होणार आहे. या वेळी प्रमुख मार्गदर्शक म्हणून नवी दिल्ली येथील ज्येष्ठ अभ्यासक अ‌मृतकुमार सिंग हे उपस्थित राहणार आहेत. या कार्यक्रमास विद्यार्थ्यांनी मोठ्या संख्येने उपस्थित राहावे असे आवाहन संयोजकांनी केले आहे.