श्यामार्य कन्या विद्यालयात विद्यार्थ्यांनी दिवाळीसाठी साकारले पर्यावरणपूरक आकाश कंदील

उदगीर (एल.पी.उगीले) : श्यामार्य कन्या विद्यालयात दीपावली महोत्सव अंतर्गत कला व कार्यानुभव विषयांतर्गत आकाश कंदील ,दीप सजावट, तोरण, दिवाळी शुभेच्छा ग्रीटिंग कार्ड अशा विविध स्पर्धेचे आयोजन करण्यात आले होते. या स्पर्धेमध्ये खूप मोठ्या संख्येने विद्यार्थ्यांनी सहभाग नोंदवलेला होता. या कार्यक्रमासाठी श्यामलाल स्मारक शिक्षण संस्थेचे अध्यक्ष सुपोषपाणी आर्य ,सहसचिव अंजुमनीताई आर्य , श्यामार्य कन्या विद्यालयाच्या मुख्याध्यापिका श्रीमती तृप्ती ज्ञाते, पर्यवेक्षक नानाभाई चोपडे , कला विषय विभाग प्रमुख विजय बैले व सर्व शिक्षक वृंद उपस्थित होते.

सुंदर व कल्पकतेने, वेगवेगळ्या टाकाऊ वस्तूंचा व क्राफ्ट पेपरचा वापर करून विद्यार्थ्यांनी पर्यावरणपूरक आकाश कंदील ,दीप सजावट, तोरण, दिवाळी शुभेच्छा ग्रीटिंग कार्ड बनवले. विद्यार्थिनींनी आपल्या कल्पकतेने साध्या पणतीला सजावट करून त्याचे सुंदर सजावट करून रूप बदललेले होते.

श्यामलाल स्मारक शिक्षण संस्थेचे अध्यक्ष सुपोषपाणी आर्य ,सहसचिव अंजुमनीताई आर्य , श्यामार्य कन्या विद्यालयाच्या मुख्याध्यापिका श्रीमती तृप्ती ज्ञाते, कला विषय विभाग प्रमुख विजय बैले व सर्व शिक्षक वृंद यांनी सर्व विद्यार्थिनींना दिवाळीच्या हार्दिक शुभेच्छा दिल्या.