उदगीर रोटरीच्या वतीने पोलिओ दिनानिमित्त जनजागृती

उदगीर (एल.पी.उगीले) : येथील रोटरी क्लबच्या वतीने शनिवारी उदगीर शहरात पोलिओ निर्मूलनच्या संदर्भात जनजागृती करण्यात आली.

रविवार दि.२४ ऑक्टोबर रोजी जागतिक पोलिओ निर्मूलन दिवस असून याकार्यात रोटरी इंटरनॅशनलचा मोलाचा सहभाग आहे. या अनुषंगाने रोटरी क्लब ऑफ उदगीर सेंट्रलने शनिवारी शहरात बॅनर व पोस्टर लावून जनजागृती केली. यावेळी रोटरीचे अध्यक्ष रामेश्वर निटूरे, उपाध्यक्षा ज्योती चौधरी, प्रोजेक्ट चेअरमन अन्नपूर्णा मुस्तादर सह महानंदा सोनटक्के, विशाल जैन, रविंद्र हसरगुंडे, मंगला विश्वनाथे, विद्या पांढरे, अनिल मुळे, प्रा. नारायण मुस्तादर व रेल्वे सल्लागार बोर्ड समितीचे सदस्य मोतीलाल डोईजोडे यांची उपस्थिती होती.