आमदार बाबासाहेब पाटील यांच्या हस्ते आनंदाचा शिधा किटचे वाटप

अहमदपूर (गोविंद काळे) : अहमदपूर-चाकूर विधानसभा मतदारसंघाचे आमदार बाबासाहेब पाटील यांच्या हस्ते दि २२ ऑक्टोबर रोजी शिरूर ताजबंद येथे लाभार्थ्यांना आनंदाचा शिधा किटचे वाटप करण्यात आले सर्वासामान्यांची दिवाळी गोड व्हावी म्हणून अंत्योदय व अन्नसुरक्षा योजनेतील शिधा पत्रिकाधारकांना राज्य शासनामार्फत देण्यात येणाऱ्या ‘आनंदाचा शिधा’ किटचे वाटप अहमदपूर-चाकूर विधानसभा मतदारसंघाचे आमदार बाबासाहेब पाटील यांच्या हस्ते दि २२ ऑक्टोबर रोजी शिरूर ताजबंद येथे करण्यात आले. यावेळी राष्ट्रवादी काँग्रेस पक्षाचे जिल्हा उपाध्यक्ष शिवानंद हेंगणे, युवा नेते सुरजभैय्या पाटील, जि.प सदस्य माधव जाधव, कार्यकारी सरपंच कोंडीबा पडोळे, चेअरमन तुळशीराम भोसले, ग्रामपंचायत सदस्य बबनराव बिल्लापटे, रमाकांतजी भातीकरे, रामप्रसाद जाजू, माजी चेअरमन दिलीपराव वलसे, गोविंदराव कापसे, सुभाषराव गुंडरे, सत्यवान भोसले, विजयकुमार येलमटे, शिवाप्पा स्वामी, मल्लिकाअर्जुन स्वामी, इब्राहिम पठाण, राहुल हजारे आदी मान्यवर उपस्थित होते. अहमदपूर व चाकूर तालुक्यातील सर्व गावामध्ये आनंदाच्या शिधा किट पोहोचले असून वाटप होत आहे सर्व शिधापत्रिकाधारकांनी कीट घेऊन जावे असे आवाहन आमदार बाबासाहेब पाटील यांनी केले आहे.