माजी मंत्री विनायकराव पाटील यांच्या हस्ते टाकळगाव येथे टेनिस बाॅल क्रिकेट स्पर्धेचे उद्घाटन

अहमदपूर (गोविंद काळे) : तालुक्यातील मौजे टाकळगाव का. येथे कोल्हापूर येथील उद्योजक तथा टाकळगावचे उपसरपंच परमेश्वर आबा घोगरे व सरपंच केरबा कांबळे यांच्या पुढाकाराने भव्य खुल्या टेनिस बॉल क्रिकेट स्पर्धेचे आयोजन करण्यात आले होते. सदरील स्पर्धेचे उद्घाटन भारतीय जनता पक्षाचे प्रदेश उपाध्यक्ष तथा माजी मंत्री विनायकराव पाटील यांच्या हस्ते नुकतेच करण्यात आले. माजी मंत्री विनायकराव पाटील यांनी स्वतः बॅटींग करुन क्रिकेट स्पर्धेचे उद्घाटन केले. यावेळी सरपंच केरबा कांबळे, उपसरपंच परमेश्वर आबा घोगरे, माजी सरपंच विनायकराव दराडे, भारतीय जनता पक्षाचे जिल्हा उपाध्यक्ष गोविंद गिरी, राजकुमार खंदाडे, हामजुभाई कोतवाल, ग्रामसेवक संभाजी महात्मे,बाबा शेख, उमेश घोगरे, शिवाजी घोगरे, बबन शेख, दीपक भुत्तेवाड, शिवाजी घोगरे,विष्णु घोगरे, बाळुदादा घोगरे,असिफ शेख,पप्पू दराडे,बालाजी दराडे,पप्पू तत्तापूरे,ताजोदीन शेख यांच्यासह तालुक्यातील अनेक क्रिकेटचे खेळाडू व टाकळगाव, परचंडा येथील युवक मोठ्या संख्येने उपस्थित होते.